Ырайым ала тургандардын арасында диний жана саясий негиздер менен камалган төрт киши бар. Алар: «Ваххабизм» агымына тиешеси бар деп айыпталган Ташкенттеги Рухиддин Фахриддинов мечитинин мурдагы имамы, «Салафизм» агымынын жактоочусу деген шек менен кармалган Искандар Худойберганов, Өзбекстандын конституциялык түзүмүнө кол салууга айыпталган жаш окумуштуу-изилдөөчү Акром Маликов жана Республикалык соттук-медициналык экспертиза борборунун мурдагы кызматкери Рустам Абдуманнопов. Булардын бардыгы тең мунапыс менен мөөнөтүнөн мурда эркиндикке чыгышты.
Президенттин жарлыгына ылайык, мунапыска илинген 5 киши негизги жазасынан толугу менен бошотулса, 53 адам жазадан мөөнөтүнөн мурда шарттуу түрдө бошотулат. Мындан тышкары 15 кишинин жазасы жеңилдетилип, 40 адамдын жаза мөөнөтү кыскарат.
