«Медицина кызматкерлерине фармацевтикалык ишмердүүлүк менен алектенүүгө лицензия берүү чоң жана кечирилгис ката болот. Сиз Өзбекстан фармацевтикасынын келечегин сактап калууга жардам бересиз деп ишенебиз», — деп жазылган фармацевттердин кайрылуусунда.
Алар өкмөттүн мындай чечимин түшүнбөй жатышканын, дарыгерлердин бул тармакта тажрыйбасы жок экенин билдиришүүдө.
«Дарыгерлердин дары-дармекти сактоо тартиби боюнча эч кандай түшүнүктөрү жок. Болочоктогу фармацевттер 3-курстан 5-курска чейин фармацевтикалык экономиканы окушат. Бул маселеге «тик учактын учкучу учакты да башкара алат» деген позицияда карабоо керек», — деди фармацевттердин бири.
Өзбекстанда дарыгерлерге жеке дарыканаларды ачууга уруксат берүү каралып жаткандыгы тууралуу 25-августта Юстиция министрлигинин өкүлү билдирген.
Өзбекстан фармацевттеринин Telegram-каналындагы маалыматка ылайык, бүгүнкү күндө өлкөдө 14 409 дарыкана бар.