«5-сентябрга чейин Санитардык-эпидемиологиялык саламаттык борборлору мектептердин жаңы окуу жылына карата даярдыгын текшерип, мектеп кызматкерлери үчүн кошумча тренингдерди өткөрүштү. Мектептерди ачуу чечимин жергиликтүү элдик кеңештердин депутаттары Санэпидкөзөмөл борборлорунун сунушунун негизинде кабыл алышат», — деп жазылган министрликтин билдирүүсүндө.
Мекеменин басма сөз кызматы мамлекеттик мектептерде жаңы окуу жылы расмий түрдө 14-сентябрда башталарын билдирди. Өлкө боюнча 9 942 жалпы билим берүү мектеби бар.
Өзбекстанда коронавирус пандемиясына байланыштуу мектептер 16-мартта жабылып, онлайн билим берүүгө өтүшкөн.