Ссылки доступа

Кабулда Ауғанстанның бірінші вице-президентіне шабуыл жасалды


Амрулла Салех, первый вице-президент Афганистана

Ауғанстанның бірінші вице-президенті Амрулла Салех Кабулда болған терактіден аман қалды. Жарылыс сәрсенбі күні таңертең астананың бір ауданында тіркелді.

Ауғанстанның бірінші вице-президентінің баспасөз хатшысы Ризван Мурадтың айтуынша, қаскөйлер Амрулла Салехтің кортежіне шабуылдаған.

"Ауғанстанның және ұлт мүддесіне қызмет етушілердің жаулары бүгін Амрулла Салехті өлтіргісі келді. Жаратушының және халықтың қалауымен ол тірі қалды", - деді хатшы.

Оның айтуынша, Амрулла Салехтің үш оққағары жараланған. Шабуылдан зардап шеккендер туралы ресми мәлімет әзірге жарияланбады.

Алайда Би-Би-Си телеарнасы жарылыстан екі адам қаза болғанын, 12 адам жараланғанын хабарлап үлгерді.

Жарылыс жауапкершілігін әзірге ешкім мойнына алған жоқ.

XS
SM
MD
LG