Хуруҷи зукоми мурғ ду ҳафта пеш нахуст дар вилояти Қазоқистони Шимолӣ сабт шуд: маҳз дар ин вилоят мурғпарварон талафоти мурғҳоро мушоҳида карданд. Рӯзи 21 сентябр вазорати хоҷагии деҳоти Қазоқистон паҳншавии зукоми мурғро дар ду вилояти дигари кишвар эълом кард. Ба иттилои расмӣ, то имрӯз дар маҷмуъ ҳадди ақал 100 ҳазор сар мурғи хонагӣ аз зуком фавтидааст.
Вилоятҳое, ки зуком сабт шудааст, ба карантин гирифта шуда, барои пешгирии паҳншавии зуком чораандешӣ мешавад.