Дар асоси ин аризаҳо 2,5 ҳазор парвандаи ҷиноӣ ва наздики 30 ҳазор парвандаи маъмурӣ боз шудааст.
Айни замон порлумони Қазоқистон дар садади таҳияи қонунест, ки ҷазои сахттаре барои хушунати хонаводагӣ пешбинӣ мекунад. Вакилон ният доранд, гунаҳкорони хушунати хонаводагиро ба корҳои ҷамъиятӣ ва то 20 рӯзи ҳабс ҷалб кунанд. Бино ба ин қонун, пулис вазифадор мешавад, ки ҳатто дар асоси хабарҳои шабакаҳои иҷтимоӣ ба хушунати хонаводагӣ вокуниш нишон диҳад.
Эҳтимол дорад, қонун ҳамчунин иҷозат диҳад, ки пулис омилони хушунатро барои 30 рӯз аз дидор бо ҳамсарону фарзандон маҳрум кунанд. Ин меъёр барои касоне қабул шудааст, ки аз тарси омили хушунат наметавонанд, баъди хушунат дидан ба мақомоти қудратӣ муроҷиат кунанд.
