Ин хабарро дар Департаменти иҷрои ҷазои вилояти Қарағандаи Қазоқистон тасдиқ карданд. "Сабаби пешакии марг худкушӣ гуфта мешавад. Ҳангоми санҷиш низ дар бадани ӯ осори захм мушоҳида нашудааст", - гуфтанд дар департамент.
Додгоҳи Қазоқистон сокини Сатпаевро 26 июли соли равон барои ду моҳ ба ҳабси пешакӣ гирифт. Ҷустуҷӯи ӯ шаби 24 июл боиси занозанӣ ва бетартибиҳо шуда буд.
Шаби 24 июли имсол беш аз 100 сокини шаҳри Сатпаев баъди шунидани хабари рабудан ва таҷовуз шудани кӯдаки панҷсола ба кӯча баромада, даст ба бетартибӣ заданд. Яке аз ҷамъшудаҳо шишаи хонаи марди гумонбарро шикаст ва дигарон аз пулис талаб карданд, ки вайро ба ихтиёри онҳо супоранд.