Ссылки доступа

Дар Русия ниёз ба нерӯи кории зодагони Осиёи Марказӣ якбора афзоиш ёфтааст (видео)


Дар шаҳри Москва, пойтахти Русия ба иллати баста шудани марзҳо дар пайи шуюи коронавирус ниёз ба муҳоҷирони корӣ аз кишварҳои Осиёи Марказӣ якбора афзоиш ёфтааст.

В Москве из-за закрытых границ резко вырос спрос на услуги мигрантов
пожалуйста, подождите

No media source currently available

0:00 0:02:53 0:00

Георгий Третяков, раҳбари як сехи дӯзандагӣ дар Москва мегӯяд, баъди баста шудани марзҳо корхонаи онҳо бо мушкили норасоии кормандон рӯбарӯ шудааст.

"Корхонаи мо ба кормандони ботаҷриба ниёз дорад. Шарт нест, онҳо ҳатман шаҳрванди Русия бошанд. Дархости зодагони Осиёи Марказиро ҳам баррасӣ мекунем. Вале мавҷи нерӯи корӣ дар пайи баста шудани марзҳо якбора коҳиш ёфтааст ва ин ба фаъолияти мо бетаъсир нест. Мо таҷрибаи ҳамкорӣ бо дӯзандаҳои узбекро дорем ва ин таҷриба нишон дод, ки онҳо вазифаи худро аз нигоҳи касбӣ хуб анҷом медиҳанд", - афзуд ҳамсуҳбати мо.

Коҳиши нерӯи кориро дар шаҳрдории Москва низ эҳсос кардаанд. Пештар шаҳрдори пойтахти Русия Сергей Собянин дар суҳбат бо телевизиони давлатии он кишвар гуфт, дар шаҳр мушкили норасоии нерӯи корӣ пеш омада, шумори муҳоҷирони корӣ 40 дарсад кам шудааст. "Ин ба бозори нерӯи корӣ ва бахши коммуналӣ таъсири худро хоҳад гузошт. Бахусус ба корҳои муваққатӣ аз қабили рӯфтани барфҳо. Ин кори дастӣ ҳаст, бояд ба даст белу лом гирифт ва на ҳама сокинони Москва ба ин корҳо омодаанд", - изҳор дошт ӯ.

XS
SM
MD
LG