Документте катышуучулар аймактагы экономикалык өнөктөштүктү өнүктүрүү максатында бул демилгеге башка өлкөлөрдүн да кошулуусун кубаттай тургандыктары белгиленген.
«Бул демилгенин алкагында тараптар Борбор Азиядагы жана анын сыртындагы жеке сектордун өнүгүүсүнө, ошондой эле экономикалык байланыштардын бекемделишине түрткү бере турган долбоорлорду колдоо үчүн беш жылдын ичинде кеминде 1 миллиард доллар топтоого болгон аракеттерин көрүшөт», - деп жазылган билдирүүдө.
Борбор Азия инвестициялык өнөктөштүгү C5 + 1 платформасы аркылуу иштейт жана Борбор Азиянын, атап айтканда Казакстан менен Өзбекстандын экономикалык өнүгүүсүнө салым кошот, ошондой эле чөлкөмдөгү коронавирус пандемиясынын экономикалык кесепеттерин жоюуга көмөктөшөт.