Ссылки доступа

Абдукарим Мирзоев - рӯзноманигори боздоштшудаи узбекистониро дар Туркия озод карданд


Абдукарим Мирзоев, рӯзноманигор ва коргардони узбекистонӣ, ки аз сӯи пулиси Туркия боздошт шуда буд, рӯзи 12 январ аз Маркази ихроҷи шаҳрвадони хориҷии Хадамоти муҳоҷирати Истамбул раҳо карда шуд.

"Ҳоло Абдукарим Мирзоев дар манзилаш, ҳамроҳ бо хонаводааш аст. Дар фурсатҳои наздик вай ният дорад, моҷароро нақл кунад", - хабар дод телевизиони онлайнии RegistonTV.

Иттилоъ дар бораи боздошти Абдукарим Мирзоев ҳанӯз 11 декабри соли 2020 расонаӣ шуда буд.

Додситонии кулли Узбекистон гуфт, нисбати Абдукарим Мирзоев парвандае боз нашуда ва вай дар кофтуков қарор надошт. Ба иттилои додситонии Узбекистон, Тошканди расмӣ дар боздошти Мирзоев дар Туркия нақше надорад.

Абдукарим Мирзоеви 38-сола ҳамчун рӯзноманигор, коргардони синамо ва блогнавис шинохта шудааст. Вай дар гузашта дар расонаҳои мухталиф, аз ҷумла телевизионҳои "Ёшлар" ва "Узбекистон" фаъолият кардааст.

Ин рӯзноманигор ахиран дар Туркия зиндагӣ ихтиёр карда, блогнависӣ мекунад.

XS
SM
MD
LG