Ссылки доступа

Өзбекстанда милиция кызматкеринин формасын кийип бийлеген адам сегиз суткага камалды


Өзбекстандын Сырдарыя облусундагы Мирзаабад районунда «лайк» топтоо үчүн милиция кызматкеринин формасын кийип алып бийлеген 26 жаштагы жигит жана аны видеого тарткан өспүрүм кармалды. Бул тууралуу жергиликтүү басылмалар кабарлады.

Маалыматка караганда, милиция кызматкеринин формасы менен бийлеген Хасан Дустов автоунаа жуугуч болуп иштей турганы аныкталган. Анын таанышы Диербек жигитти видеого тартып соцтармактарга тараткан.

Экөөнүн аракети “коомдук жайларда жүрүү эрежелерин жана этикалык тартип нормаларын” бузуу катары бааланды.

Сот Хасан Дустовду Административдик кодекстин “Майда бейбаштык”, “Министрликтердин, ведомстволордун жана уюмдардын формаларын мыйзамсыз түрдө кийүү” беренелери боюнча айыптап, 8 суткага камоо тууралуу өкүм чыгарды.

Өспүрүм баланын ишин Мирзаабад райондук администрациясынын алдындагы жашы жете элек балдардын иши боюнча комиссия карайт.

Видео

Видео

Дубалга жан киргизген Иса
пожалуйста, подождите

No media source currently available

0:00 0:06:37 0:00
XS
SM
MD
LG