Мыйзам долбоору биринчи окууда кабыл алынды.
Документке ылайык, бийлик өкүлүнүн мыйзамдуу талабына баш ийбегендер, жапырт башаламандыкка жана зомбулукка чакыргандар айыппулга жыгылып, эки жылга чейин түзөтүү жумушуна тартылып, 3төн 5 жылга чейин шарттуу түрдө кесилип же 3төн 6 жылга чейин эркинен ажыратылышы мүмкүн.
Мындан тышкары мыйзамдуу документтердин талаптарын бузуп, медиа аркылуу аны аткаруудан баш тартууга чакыргандарга 60-80 эсептик көрсөткүчтө айыппул салынышы мүмкүн.
Веб-сайттардын ээлерине, анын ичинде блогерлерге уруксатсыз митинг, жүрүш, демонстрация өткөрүүгө чакырууга, коомдук тартипке жана коопсуздукка коркунуч жараткан жалган маалыматтарды таратууга тыюу салынууда.