Ссылки доступа

Алматыдагы 12 мектепке жардыруучу зат коюлганы кабарланды


Алматыдагы 12 мектептин электрондук почтасына имараттарда жардыруучу заттар бар экени тууралуу кабар келди. Бул тууралуу шаардык полиция департаментинин басма сөз кызматы билдирди.

Мекеменин маалыматына караганда, каттарда мектеп жетекчилигинен акча талап кылынып, болбосо билим берүү имараттары жардырыла турганы жазылган.

Учурда аталган мектептерде саперлор иш алып барууда. Азырынча канча киши эвакуацияланганы боюнча маалымат бериле элек.

Полициядан бул факты боюнча «Терроризм актысы тууралуу жалган маалымат таратуу» беренеси менен тергөө иштери башталганын билдиришти.

«Анонимдүү маалымат берген адамдын тек-жайын аныктоого багытталган ыкчам-иликтөө иштери жүрүүдө», — деп жазылган мекеменин билдирүүсүндө.

Алматыда мектептердин көбү марттан баштап кадимки режимде иштей баштаган. Шаардын башкы санитардык дарыгеринин 2-марттагы токтому менен 1-5-класстардын окуучулары айкалыштырылган форматта окууга өтүшкөн.

Видео

Видео

Саясатты сатирага салган Самат
пожалуйста, подождите

No media source currently available

0:00 0:09:27 0:00
XS
SM
MD
LG