Мақомоти Қазоқистон баъди ҷорӣ кардани усули нави ташхиси вабои коронавирус ба ин хулоса расидаанд.
“Навъи бртониёӣ, африқоӣ ва бразилиёии коронавирус дар вилоятҳои Қазоқистони Шарқӣ, Қазоқистони Шимолӣ, Костанай, Павлодар ва шаҳри Алмато сабт шуд. Ин навъи вирус метавонад, густариши бештар дошта бошад”, - гуфт Алексей Тсой, вазири тандурустии Қазоқистон рӯзи 30 март.
“Аз 12 ҳолати ошкорсозии навъи бритониёии коронавирус, ки дар шаҳрҳои Алматову Нурсултон ва вилояти Оқтеппа сабт шудааст, 8 мубталошуда аз хориҷ гирифтор ва ба кишвар омадааст. 4 гирифтори дигар ба хориҷ нарафтаанд. Яъне, ин маънои онро дорад, ки навъи бритониёӣ дар дохили кишвар паҳн шудааст”, - гуфт вазир.
Мақомоти расмии Қазоқистон гуфтанд, аз ибтидои вабои коронавирус дар он кишвар 243 ҳазору 318 ҳолати гирифторӣ сабт шудааст. Дар ин муддат аз коронавирус 3029 кас фавтидааст.