Савелий Соколов, раиси оҷонси таблиғотии "Ҳумо Медиа" барчидани бештар аз 300 лавҳаи таблиғотиро дар шаҳри Тошканд "амали ғайриқонунӣ" унвон кард.
"Шаби дирӯз кормандони сухторнишонӣ, ҳолатҳои фавқулода ва ҳукумати шаҳри Тошканд лавҳаҳои таблиғотиро аз кӯчае барчиданд, ки гузаргоҳи президент аст. Ба мо гуфтанд, ки ин "фармон аз болост". Аммо касе сабабашро шарҳ надод", - гуфт Соколов.
Савелия Соколов гуфт, кандани лавҳаҳои таблиғотӣ барои вай миллионҳо сӯм дар рӯз хисорот меорад.
"Сохтани як лавҳаи таблиғотӣ наздики 2900 доллар қимат дорад. Рекламадиҳандагон барои як лавҳа дар моҳ наздики 290 доллар пардохт мекунанд. Бо бисёриҳо мо то охири сол шартнома доштем. Баъди тахриби лавҳаҳо муштариҳо маблағҳояшонро талаб доранд", - гуфт Соколов.
