Ссылки доступа

Нур-Султандагы башаламан соода-сатыкка каршы күрөш соодагерлердин нааразылыгын жаратууда (видео)


Нур-Султан шаарынын бийлиги жол жээктериндеги башаламан соода-сатыкты токтотуу аракети башталарын эскертти. Өз кезегинде бул соодагерлердин нааразылыгын жаратып, алар өлкө президентинин атына кайрылуу даярдап жатышат.

Власти Нур-Султана борются со стихийной торговлей, продавцы против
пожалуйста, подождите

No media source currently available

0:00 0:03:34 0:00

Шаардагы үстү жабылган чоң базардын айланасында азык-түлүктөн тартып китеп жана радионун тетиктерине чейин сатылган «көчө базары» жайгашкан.

«Кечээ акимчиликтен кишилер келип, эмне үчүн үстү жабылган базардан орундарды ижарага албай жатканыбызды сурашты. Бизде андай мүмкүнчүлүк жок да. Тапканыбыздын баары батирдин ижарасын төлөөгө кетет. Анткени күнүнө болгону 1-2 миң гана теңге табабыз»,— деди көчө базарында соода кылган Айгүл Мусина аттуу тургун.

Анын айтымында, үстү жабылган жергиликтүү базардагы орундардын бир айлык ижара акысы 200 миң теңгени түзөт.

«Бул жерде жакында оңдоо иштери баштала турганын эскертишти. Биз жыргаганыбыздан көчөдө турган жокпуз да. Чаң, баткак, ысык, суук. Биз бул жерде биротоло калабыз деген жокпуз, кышка чейин иштеп алганга мүмкүнчүлүк берилсин деп жатабыз», — деди Назира Ибраева деген дагы бир соодагер.

Акимчилик аларга көчө базарын алуу өтүнүчү менен шаар тургундарынан көптөгөн кайрылуулар болгонун билдирүүдө.

«Өзүңөр көрүп жаткандай бул мыйзамсыз соода болуп эсептелет. Жанынан адамдар өтүп жатат, товарлар жерде турат. Антисанитария. Бул туура эмес да», — деди Лиза Рахимова аттуу акимчилик өкүлү.

Ал бийлик алдыга койгон пландарынан баш тартпай турганын, бирок соода катарларын түзүп берүү сыяктуу компромиссттик вариантты да карап көрөрүн кошумчалады.

Видео

Видео

Төрт түлүккө бай, ар улуттуу айыл
пожалуйста, подождите

No media source currently available

0:00 0:27:41 0:00
XS
SM
MD
LG