Киштии Ocean Viking, ки ба наҷоти мусофирони қайиқи чаппашуда баромада буд, на камтар аз 10 ҷасад пайдо кардааст.
SOS Méditerranée хабар дод, ки дар ду рӯзи охир киштии Ocean Viking чанд маротиба талош кард, зиндамондаҳои қайиқи чаппашудро пайдо кунад. Ҳафтаи гузашта ҳам як қайиқ дар соҳили Тунис бо 41 муҳоҷир ғарқ шуд. Ҳамаи онҳо фавтиданд.
Ба иттилои СММ, бидуни ҳисоби фавтҳои охир, дар баҳри Миёназамин, ки роҳи расидани муҳоҷирон ба Аврупо ба ҳисоб меравад, аз оғози сол 350 кас фавтидааст. Либия кишвари асосие ба ҳисоб меравад, ки муҳоҷирони Африқо аз он ҷо ба Аврупо ҳаракат мекунанд.