Ссылки доступа

Өзбекстанда Улуттук паралимпиадалык комитет түзүлөт


Өзбекстанда Улуттук паралимпиадалык бирикменин базасында Улуттук паралимпиадалык комитет жана анын аймактык бөлүмдөрү түзүлөт. Тиешелүү токтомго өлкө президенти Шавкат Мирзиёев кол койду.

Ага ылайык, 2021-жылдын аягына чейин Паралимпиадалык комитеттин алдында спорттун паралимпиадалык түрлөрү боюнча клубдар, Өзбек мамлекеттик дене тарбия жана спорт университетинде Паралимпиада факультети, ошондой эле Спорттун паралимпиадалык түрлөрү боюнча адистерди даярдоо институту ачылат.

Мындан тышкары 2021-2022-окуу жылынан тартып Өзбек мамлекеттик дене тарбия жана спорт университетинде жана анын Нукус, Фергана шаарларындагы өкүлчүлүктөрүндө, ошондой эле башка тиешелүү жогорку билим берүү мекемелеринде «Паралимпия» кафедралары түзүлөт.

XS
SM
MD
LG