Ссылки доступа

Инсон ҳуқуқлари ҳимоячиси Иззат Омоннинг ҳибсдаги муддати яна икки ойга узайтирилди


Защитник трудовых мигрантов Иззат Амон

Тожикистонда фирибгарликда айбланаётган, меҳнат муҳожирларининг ҳибсда сақланаётган ҳимоячиси Иззат Омон иши бўйича тергов яна икки ойга узайтирилди.

Бу қарор 27 июль куни Исмоили Сомони туман суди томонидан қабул қилинган. Аввалроқ, Бош прокуратура Иззат Омонга қарши иш шу ой охиригача судга юборилишини маълум қилганди.

Исми сир қолишини истаган Ички ишлар вазирлиги Тергов бошқармасидаги манбанинг 29 июль куни Озодлик радиосига айтишича, «муддат ҳуқуқ ҳимоячисига қарши ишни тергов қилаётган терговчи Сипеҳр Сафаровнинг илтимосига биноан узайтирилди». Суҳбатдошимиз бу қарорини «шикоятчи ва Иззат Омон ўртасида қарама -қаршиликларни ўтказиш» зарурати билан боғлади.

Иззат Омон шу йилнинг март ойидан бери ҳибсда. Унга қарши жиноят ишини тергов қилиш муддати учинчи марта узайтирилди.

Иззат Омоннинг адвокати Саидбурҳон Шарипов 29 июль куни «иш тергови тугаганини» айтди, аммо Иззат Омон ва бошқа икки ариза берувчи ўртасида қарама -қаршиликни ўтказиш масаласи бор. «Улар қарздор деб даъво қилишяпти. Аммо терговчи ой охиригача барча тергов ҳаракатларини якунлай олмади», — дейди адвокат.

Иззат Омоннинг қариндошлари бу янгиликдан хавотирда. Унинг ўғли Муҳаммадюсуф Ҳолов: «Икки ойдан бери отамни кўрмаяпман. Бизнинг барча сўровларимиз унга фақат терговчи орқали берилади», дейди.

Бироқ, адвокат яна бир ҳолатга умид қилмоқда: «Ишончим комилки, Тожикистон мустақиллигининг 30 йиллиги муносабати билан амнистия эълон қилинганидан кейин Иззат Омонга нисбатан жиноят иши амнистияга тушади. Бу амнистия олиш учун 100 фоиз имкониятдир».

Юбилей, Тожикистон мустақиллигининг 30 йиллиги шу йилнинг 9 сентябрида нишонланади. Азия-Плюс ҳукуматдаги манбага таяниб, шу кунга қадар 25 мингдан ортиқ гумонланувчилар ва маҳбуслар афв этилишини маълум қилди.

Москвадаги тожиклар маркази раҳбари Иззат Омон 25 март куни Россиядан депортация қилинди. Тожикистон расмийлари унинг бир кундан кейин Душанбеда ҳибсга олингани ҳақида эълон қилишди. Унга қарши иш «жуда катта миқдордаги фирибгарлик» (Россия Федерацияси Жиноят кодексининг 247 -моддаси тўртинчи қисми) бўйича тергов қилинмоқда. Ушбу модда жарима ёки 12 йилгача озодликдан маҳрум қилишни назарда тутади.

Расмийларга кўра, 12 киши Иззат Омон устидан шикоят ёзган. Тожикистон Бош прокуратураси вакили Шариф Қурбонзоданинг 13 июль кунги матбуот анжуманида айтишича, Иззат Омон 630 минг рубль ва 1000 доллар фирибгарликда айбланмоқда. Ҳуқуқ ҳимоячисининг қариндошлари бу айбловларнинг асоссизлигини таъкидламоқда.

Иззат Омон тарафдорлари унинг ҳибсга олиниши ва унга қўйилган айбловлар аслида сиёсий сабабларга эга ва унинг Тожикистон ҳукуматини танқид қилишига алоқадор деб ҳисоблайдилар. Расмийларнинг айтишича, Иззат Омон иши сиёсий характерга эга эмас, лекин бир неча аҳолининг фирибгарлик ҳақидаги шикоятларини ўз ичига олади.

XS
SM
MD
LG