Ссылки доступа

Тажикстанда Өзбекстан менен Орусиянын катышуусунда аскердик машыгуу башталды


Тажикстанда Орусия, Өзбекстан, Тажикстан аскер кызматкерлеринин биргелешкен машыгуусу башталды. Машыгуу  Ооганстанда  радикалдуу “Талибан” кыймылы кескин баш көтөргөн маалда өтүп жатат.

Орусиянын Борбордук аскер округу билдиргендей, машыгууга 2500дөн ашык киши жана 500дөй согуштук техника тартылды.

Ага Тажикстандагы 201-орусиялык аскердик базанын 1800ден ашык аскер кызматкери менен 420дай техникасы катышууда.

Орусия мындан тышкары Тжаикстанга Кыргызстанда жайгашкан аскердик базасынан Су-25 истребителдерин жөнөттү.

Машыгуу ооган чек арасынан 20 чакырым аралыкта жайгашкан Хатлон облусунун "Харб-Майдон" полигонунда өтүүдө.

Аскерлер каршылаш тараптын мизин кайтарууга багытталган машыгууда танктарды жана учкучсуз учуучу аппараттарды колдонушууда. Бул чаралар Ооганстандан жоочулардын кирип келишине бөгөт коюу үчүн жасалып жатканы белгиленди.

Видео

Видео

Кыргызчаны оңой үйрөткөн мугалим
пожалуйста, подождите

No media source currently available

0:00 0:11:07 0:00
XS
SM
MD
LG