Ссылки доступа

CNN: Кабул аэропортуна АКШ жана НАТОго мүчө өлкөлөрдүн жарандарына гана кирүүгө уруксат берилди


Вашингтон Кабулдагы аэропортко кирүү эрежесин өзгөрттү. Мындан ары аба майдандын аймагына АКШ, НАТОго мүчө өлкөлөрдүн жарандары жана грин-карта ээлери гана кире алат. Бул тууралуу CNN кабарлады.

Телеканалдын маектеши билдиргендей, АКШга атайын иммиграциялык виза тапшыруу программасына (SIV) катышкан оогандар да Кабул аэропортуна киргизилбейт. Бул программа АКШнын өкмөттүк күчтөрүнө иштегендерге арналган болчу.

Маалыматтарга караганда, аэропортто Ооганстандан чыгып кетүүнү каалаган 20 миңдей киши бар. Алардын арасында аскер жашындагы, документи жок ооган эркектери көп.

“Талибан” кыймылынын жоочулары 15-августта Ооганстандын борбору Кабулду ээлеп, президенттик сарайды согушсуз бошотуп алган. Президент Ашраф Гани өлкөдөн чыгып кеткени жарыяланган соң, талибдер өлкө боюнча көзөмөл колго алынганын билдирген.

Видео

Видео

Туристтерди капа кылган кыргыз милициясы
пожалуйста, подождите

No media source currently available

0:00 0:06:43 0:00
XS
SM
MD
LG