"Республика президенти Эмомали Рахмонду 13-октябрда кабыл алат", - деп айтылат расмий билдирүүдө.
Ооганстандагы аскердик-саясий кырдаалдын курчушу – Рахмон менен Макрондун телефондук сүйлөшүүсүндө башкы тема болду. Эмомали Рахмон Ооганстандагы кырдаал Борбор Азия чөлкөмүнүн коопсуздугу менен байланышта экенин айтты.
"Мамлекет башчы жарандык карама-каршылыктын жаңы толкунунан улам Ооганстан гуманитардык катастрофанын чегинде экенин тынчсыздануу менен белгиледи", - деп билдирди Тажикстан президентинин маалымат кызматы.
Рахмон менен Макрон 2019-жылы Францияда жолугушкан. Сүйлөшүү учурунда Тажикстан менен Франция жарандык авиация, энергетика, транспорт, туризм, айыл чарба жана маданият, тамак аш жана металлургия өнөр жайында биргеликте иш алып баруу мүмкүндүктөрүн талкуулашкан.
