Ссылки доступа

Өзбекстандын Жогорку соту басмачылардын лидери Ибрагим-бекти актады


Өзбекстандын Жогорку соту

Өзбекстандын Жогорку соту 1920-1930-жылдары репрессияланган 115 кишини, анын ичинде азыркы Өзбекстандын, Тажикстандын жана Ооганстандын түндүгүндөгү аймактарда басмачылык кыймылдын лидери болгон Ибрагимбек Чакабаевди (Ибрагим-бек) актады. Бул тууралуу жергиликтүү басылмалар кабарлашты.

Акталгандардын жалпы тизмеси Өзбекстандын Жогорку сотунун сайтына жарыяланды.

Маалыматка караганда, сот быйыл февралда республикалык жумушчу топтон келген алты кылмыш ишин карап чыккан. Ал топ 2020-жылы күзүндө "репрессия курмандыктарынын жашоосу менен ишмердүүлүгүн изилдеп, алардын атын түбөлүккө калтыруу" максатында түзүлгөн.

Басмачы – совет бийлигине каршы күрөш жүргүзүп, большевиктерди кууп чыгарууну максат кылган Борбор Азиядагы аскердик-саясий жана диний кыймыл болгон. Өткөн кылымдын 20-жылдарынын башында Бухара элдик совет республикасы түзүлгөндөн кийин Ибрагим-бек анын шаарлары менен айылдарына кол салып, большевиктер тактан кетирген Бухаранын эмирин кайра бийликке алып келүү үчүн куралдуу күрөштү жетектеген.

СССР бийлигинин маалыматына ылайык, Ибрагим-бек Ооганстандын түндүк-чыгышында бийликтен кулатылган эмир башында турган өзбек-тажик мамлекетин түзүүнү пландаган. Ошондой эле ал 1930-жылы жайында Түндүк Ооганстанда рейд өткөргөн совет-ооган экспедициялык отрядына каршы согушкан.

1931-жылы жайында Ибрагим-бек НКВДнын атайын отряды тарабынан кармалып, Ташкенте жеткирилген. Ошол эле жылы августтун аягында өлүм жазасына тартылып, сот өкүмү окулгандан кийин дароо атылган. Бирок Ибрагим-бектин отрядындагы адамдар куралдуу күрөшүн дагы бир нече жыл улантышкан.

Видео

Видео

Кыргызчаны оңой үйрөткөн мугалим
пожалуйста, подождите

No media source currently available

0:00 0:11:07 0:00
XS
SM
MD
LG