"Умедворем, рӯзҳои наздик маҳдудияти вуруди онҳо ба Русия сабуктар мешавад. Корфармоён, пеш аз ҳама ширкатҳои сохтмонӣ дар пайи норасоии нерӯи корӣ аз якдигар корманд мехаранд ва ин сабаби болоравии ҳаққи хидматрасонӣ хоҳад шуд", - афзудааст Ефимов.
Шаҳрдори Москва Сергей Собянин аввали моҳи августи соли равон гуфт, яке аз сабабҳои афзоиши таваррум рафтани муҳоҷирон аз Русия аст. Ба гуфтаи ӯ, ширкатҳои сохтмонӣ соли гузашта ба далели пандемияи коронавирус маҷбур шуданд, ду моҳ корро қатъ ва кормандон, аз ҷумла хориҷиҳоро ҷавоб диҳанд. Хориҷиҳо низ ба ватан баргаштанд.
"Ин болоравии арзиши нерӯи кориро дар пай дошт ва дар натиҷа нархи ҳама чиз ҳам боло рафт. Ҳамаи иқтисодшиносҳо ҳам мегӯянд, ки вақте маоши кормандон бидуни афзоиши ҳаҷми истеҳсолот боло рафт, чи хоҳад шуд ва бинобар ин, ҳоло мо шоҳиди афзоиши таваррум шудаем", - изҳор дошт шаҳрдори пойтахти Русия.