Ссылки доступа

Москвага 200 миңдей эмгек мигранты жетишпей жатат


Москванын курулуш тармагы 200 миңдей чет өлкөлүк жумуш күчүнө муктаж болууда. Бул тууралуу шаардын вице-мэри Владимир Ефимов билдирди.

"Жакын арада алардын өлкөгө кирүүсүнө байланышкан чектөөлөр жумшартылат деп үмүттөнөбүз", - деди ал.

Ефимов эмгек ресурстарынын жетишсиздигинен улам иш берүүчүлөр бири-биринен кызматкерлерди талашып, натыйжада алардын кызмат акысы да өсүп жатканын айтты.

Августтун башында Москванын мэри Сергей Собянин Орусиядан мигранттардын кетиши инфляциянын бирден бир себеби болуп жатканын айткан.

"Бул жумуш күчүнүн баасынын өсүшүнө алып келди. Анан баары кымбаттай баштады. Себеби эмгек өндүрүмү жана өнүм көбөйбөй туруп маяна көбөйсө, аягы эмне болорун кайсы экономист болсо да айтат. Ошондуктан биз инфляциянын өсүшүн көрүп жатабыз", — деген Собянин.

Орусия буга чейин Өзбекстандан мигранттарды Казакстан аркылуу поезд менен ташууну пландап жатканын билдирген.

Коронавирус пандемиясына байланыштуу мигранттар марттан бери Орусияга учактар менен гана барып жатышат. Алар билет баасынын кымбаттагына даттанып келишет.

Видео

Видео

XS
SM
MD
LG