Ссылки доступа

Сардаба суу сактагычындагы кырсыктан жабыркаган дээрлик 100 үй-бүлө мамлекеттен турак-жай албай калган


Өзбекстанда Сардаба суу сактагычындагы плотинанын жарылышынан улам жабыркаган тургундарга турак жай бөлүштүрүү тартиби бузулуп, жыйынтыгында 147 үй жарандарга негизсиз берилип кеткен. Мындан улам мыйзам боюнча турак-жай алышы керек болгон 99 үй-бүлө мамлекеттен үй албай калган.

Бул тууралуу курамына жергиликтүү кеңештин депутаттары, маале жашоочулары жана укук коргоочулар кирген атайын комиссиянын баяндамасында айтылат.

В Узбекистане прорвало дамбу Сардобинского водохранилища: как это было
пожалуйста, подождите

No media source currently available

0:00 0:01:48 0:00

Алардын бири Мирзаабад районунда жашаган 32 жаштагы Ильяс Хамзакулов. Атайын комиссиянын корутундусуна ылайык, ал “суу жууп кеткенин үйүнүн ордуна үч бөлмөлүү турак жай алышы керек болчу.” Учурда Хамзакулов үй-бүлөсү менен атасынын үйүндө жашап жатат.

– Мен жаңы үй куруп, кырсык болордун алдында эле көчүп киргем. Бирок суу баарын жууп кетти. Анын ордуна мага эч нерсе берилген жок. Документтерим жайында эмес экенин айтышты, – деди ал.

Комиссиянын баяндамасында негизсиз турак жай алган жана үй берилбей калган тургундардын аты-жөнү, дареги жана үй-бүлө мүчөлөрү тууралуу маалыматтар жазылган. Мирзаабад районунда кырсыктан жабыркабаган эле тургун “бир тууганы маале төрагасы экенинен пайдаланып”, негизсиз үй алып алганы белгиленген.

Мындан тышкары баяндамада Сардаба суу сактагычындагы кырсыктан кийин жабыркаган 18 үй-бүлөгө материалдык жардам катары 40 миллион сумдан (4 миң доллар) берилип, бирок көп өтпөй жергиликтүү бийлик ал каражатты кайра алып койгону көрсөтүлгөн.

Комиссия жергиликтүү бийлик өкүлдөрүнө негизсиз берилип кеткен үйлөрдү кайра алып, суу ташкынынан чындап жабыркаган тургундарга берүүнү, ошондой эле “алдамчылык жол менен алынган материалдык жардамды тургундарга кайтарып берүүнү” сунуштаган.

Комиссия мүчөлөрүнүн бири Сырдарыя облустук прокуратурасы баяндамада көрсөтүлгөн маалыматтарды текшере баштаганын билдирди.

Сырдарыя облусундагы Сардаба суу сактагычы былтыр 1-майда жырылып кетип, алты киши каза болгон. Анын кесепетинен Акалтын, Мирзаабад жана Сардаба райондорунда 2 570 жеке жана 76 көп кабаттуу үй бузулуп, 1781 жеке жана 52 көп кабаттуу үй жарым-жартылай жабыркаган.

Видео

Видео

Тактазан жайлоосунан кен казуу каршылык жаратты
пожалуйста, подождите

No media source currently available

0:00 0:04:19 0:00
XS
SM
MD
LG