"Албатта, мо равуои мошинҳо ва қатораҳоро бо Афғонистон барқарор мекунем. Нақлиёт ба Афғонистон ғизо ва дору мебарад, ки афғонҳо ҳоло ба он ниёз доранд", - гуфт Иргашев.
Ба гуфтаи вай, Узбекистон марзашро бо Афғонистон ба далели паҳншавии вабои коронавирус бастааст, на ба сабабҳои дигар.
Ҳоло маълум нест, ки марзҳо то кай баста мемонанд. Зеро, Иргашев мегӯяд, бозшавии марз бо Афғонистон на танҳо аз беҳшавии вазъи вабо, балки аз ташкили ниҳодҳои нави давлатӣ дар он кишвар вобаста аст.
"Бояд вазоратҳо ва дигар ниҳодҳо ташкил шаванд, зеро ниҳодҳои наве, ки аз сӯи толибон ташкил шудаанд, муваққат ҳастанд", - гуфт Исматулло Иргашев.
Равуои нақлиёт байни Узбекистон бо Афғонистон дар моҳи марти соли 2020 ба далели паҳншавии вабои коронавирус қатъ шуда буд.