Ссылки доступа

Германияда 70 кесип боюнча 1,2 миллион адис жетишпейт


Германиянын Эмгек агенттиги 70 кесип боюнча 1,2 миллиондой адис жетишпей жатканын эскертти. Бул тууралуу “Немис толкуну” кабарлады.

“Бардык тармактарда адистер менен стажерлорго муктаж компаниялардын саны өсүүдө. Бул орто бизнесте атаандашуу дараметин коркунучка кептейт жана ал толугу менен Германияга залакасын тийгизет”, - деди Германиянын чакан жана орто ишканаларынын федералдык биримдигинин (BVMW) аткаруучу директору Маркус Йергер.

Ал квалификациялуу адистерди иммиграциялоо ишин колго алууга чакырды.

Йергердин айтымында, көптөгөн компаниялар адискөй кызматкерлердин тартыштыгынан буюртмалардан баш тартууга аргасыз болушууда.

“Германияда 390 кесип боюнча билим берилет жана бардык тармакта жаңы окуучулар жетишсиз”, - деди Йергер.

Эмгек боюнча федаралдык агенттик өлкөдө болжол менен 70тей кесип боюнча адистер тартыш болуп жатканын эскертти.

“Жалпысынан 1,2 миллион жумушчу зарыл болсо, анын үчтөн экиси – адистер”, - деди агенттиктин башчысы Детлеф Шеле.

Германия Экономика институтунун соңку иликтөөлөрүнө караганда, социалдык педагогдор, кары-картаңдар жана бейтаптар менен иштеген персоналдар жетишсиз. Мындан тышкары инженер-курулушчулар, сантехника адистери, жүк ташуучу унаалардын айдоочулары тартыш.

2012-жылы августта немис бийлиги Евробиримдиктен тышкаркы өлкөлөрдөн адистерди алып келүү үчүн “Көк карта” (Blue Card) долбоорун ишке киргизген. Бирок бул программа анча жыйынтык берген эмес.

Видео

Видео

Майыптардын камын көргөн Улукбек
пожалуйста, подождите

No media source currently available

0:00 0:03:51 0:00
XS
SM
MD
LG