Ссылки доступа

Путин хост, дари тарабхонаҳо шабона баста шавад


Иллюстративное фото
Иллюстративное фото

Президенти Русия Владимир Путин ба раҳбарони минтақаҳои ин кишвар тавсия дод, ки дари тарабхона ва марказҳои дилхуширо шабона (аз соати 23.00 то 6 субҳ) банданд.

Ҳамчунин ба раҳбарони вилоятҳои Русия тавсия дода шудааст, шаҳрвандони аз 60-сола болоро, ки бо ваксинаи зидди коронавирус эм нашудаанд, ба гӯшанишинӣ фиристода, барояшон ба муҳлати як моҳ низоми кори фосилавӣ роҳандозӣ кунанд.

Аз раҳбарони минтақаҳои Русия хоста шудааст, ки баргузории чорабиниҳои фароғатиро манъ намоянд.

Путин ҳамчунин дастур додааст, ки барои кормандони эмшуда ду рӯзи истироҳат дар ҳафта бидуни кам кардани маош муайян карда шавад ва ҳамчунин техдоди санҷишҳои гирифторӣ ба вирусро афзоиш диҳанд.

Раҳбарони минтақаҳои Русия вазифадор шудаанд, ки дар бораи чораҳои андешидаи худ дар ин замина 30 ноябр ба Путин гузориш диҳанд.

Владимир Путин бо дархости ҳукумати Русия аз 30 октябр то 7 ноябри соли равонро дар он кишвар рӯзҳои ғайрикорӣ эълом карда, ба минтақаҳо иҷозат дод, ки онро афзоиш диҳанд.

XS
SM
MD
LG