Ссылки доступа

Шифохонаи бемориҳои сироятии Кӯлобро нав карданд (гулчин)


Ба расонаҳои минтақа ҳақ дода мешавад, ки аз ин матлабҳо ба сурати комил ва ё ҷузъӣ истифода кунанд. Бо дархости муштариён метавонем ба онҳо шакли аслии наворҳои видеоиро фиристем. Онҳо, инчунин, метавонанд матлаби дилхоҳи худро аз махзани Директ истифода кунанд.

- Шифохонаи бемориҳои сироятии Кӯлобро нав карданд. Ин шифохона то чанд соли пеш, имконоти қабули беморони зиёдеро надошт ва набуди шароит сабаби вазнинтар ва ё ҳатто марги беморон мешуд. Ҳоло дигар чунин нест. (видео)

- Гаронӣ зиндагии тоҷиконро мушкил кардааст. Бонки Ҷаҳонӣ дар гузорише гуфтааст, болоравии якбораи нархи маҳсулот боиси бад шудани амнияти ғизоӣ дар Тоҷикистон шудааст. Ба гузориши ин бонк, имсол зиндагии оилаҳое мушкилтар шуд, ки аз дарёфти пули муҳоҷирон маҳрум шуданд. Мақомот ҳанӯз ба ин гузориш вокуниш накардаанд. (видео)

- Паноҳҷӯёни афғон дар Бохтар чӣ кор мекунанд? Мақомоти Тоҷикистон мегӯянд, то ин дам 15 ҳазор афғонистонӣ дар кишвар паноҳанда шуданд. Даҳҳо нафари дигар шикоят доранд, ки моҳҳо боз дар марз ҳастанд, вале иҷозаи дохил шудан ба Тоҷикистонро надоранд. (видео)

- Мошинҳои "Ёрии таъҷилӣ"-и Кӯлобро нав карданд. Хадамоти тиббӣ беҳтар мешавад? Дар бемористонҳои Кӯлоб то вақтҳои охир аз “Ёрии таъҷилӣ”-и чинӣ ё машҳур ба "Тангем" истифода мебурданд. Сокинон ҳам аз сифати пасти мошинҳо шикоят доштанд (видео)

- Қурби рубл муҳоҷиронро хурсанд кардааст. Қурби рубли русӣ дар Тоҷикистон боло рафта, арзиши доллар андаке поин омадааст. Наздикони муҳоҷирон аз тағйирот дар бозори арзи хориҷӣ хушҳоланд, вале иддае мегӯянд, бо гарон шудани маҳсулоти ниёзи аввал боло рафтани қурби рубл низ ба зиндагиашон таъсири чандоне надорад (видео)

- “Нони ҳалол” дар Душанбе намоиш дода шуд. (видео)

- Дар Хатлон донандагони забони англисӣ зиёд шудаанд. Дар вилояти Хатлон иштиёқи ҷавонон ба омӯхтани забони англисӣ меафзояд ва онҷо марказҳои нави омӯзиши ин забон боз мешаванд. Радиои Озодӣ ба яке аз ин марказҳо рафт ва бубинед, чӣ дид. (видео)

- “Нони ҳалол” дар Душанбе намоиш дода шуд (видео)

- Навор аз ҷои ҳодиса: Сӯхтор дар Хуҷанд. Ба иттилои хабарнигори Радиои Озодӣ, шоми 21-уми октябр дар Хуҷанд бозори масолеҳи сохтмонии "Баракат" сӯхтааст. Бозор дар шоҳроҳи Хуҷанд-Конибодом ҷойгир аст. Иллати оташ гирифтанаш ҳанӯз маълум нест. Дар ин бозор соли 2018 низ сӯхтор сар зада буд. (видео)

- "Сарбор" мушкили занони тоҷикро бозгӯ мекунад. Як коргардони тоҷик азҳампошии оилаҳо ва бесаробон мондани занони ҷавонро дар Тоҷикистон дар филми "Сарбор" ба тасвир кашидааст. Манзаралӣ Шералӣ мегӯяд, сарнавиштеро рӯйи навор овард, ки худ шоҳидаш буд. Азҳампошии оилаҳо дар Тоҷикистон солҳо боз масъалаи доғ мемонад (видео)

- Роҳи Узбекистон ба рӯи мусофирбарҳои Тоҷикистон боз шуд. Баъди якуним соли "танаффус", рӯзи 18-уми октябр, ҳаракати мусофирбарҳо дар роҳи Хуҷанд-Тошканд-Хуҷанд дубора оғоз шуд. (видео)

- Шикоятҳо аз набуди нерӯи барқ дар деҳоти Тоҷикистон. Бо наздик шудани фасли сармо шикояти сокинон аз бебарқӣ ва маҳдудияти барқ дар хонаҳо зиёд шудааст. Ҳамарӯза даҳҳо нафар ба саҳифаҳои Радиои Озодӣ аз бебарқӣ дар манзилашон шикоят мекунанду аксу навор мефиристанд (видео)

- Филм дар бораи Давлатов баҳс барангехт. Ҳадаф аз таҳияи он чӣ буд? "Суғдсинамо" филмеро дар бораи Саидмурод Давлатов ба намоиш гузошт, ки баҳси ҷонибдорон ва мухолифони ӯро барангехт. Давлатовро дар Тоҷикистон ва берун аз он ҳамчун равоншинос ва мураббии соҳибкорони навроҳ мешиносанд, вале назарҳо нисбат ба ӯ ва кораш якранг нест. Тафсилотро дар видео бинед. (видео)

КОРМАНДОНИ МУҲТАРАМИ РАСОНАҲО! БО ҲАЗОРОН НАВОРИ САДОВУ ВИДЕО, АЗ ҶУМЛА, ШАКЛИ АСЛИИ САДОВУ ВИДЕОҲО БО ЗАБОНИ ТОҶИКӢ, КИ БАРОИ ЗАХИРА КАРДАНИ КОРШАРИКОН ДАСТРАС ҲАСТАНД, ОШНО ШАВЕД.​

XS
SM
MD
LG