Ссылки доступа

Мирзиёевдин жол кырсыгына кабылган күйөө баласы Ташкенттеги эл аралык жыйынга катышты


Отабек Умаров

Азиянын Олимпиадалык кеңешинин вице-президенти, Өзбекстандын президенти Шавкат Мирзиёевдин кичүү күйөө баласы Отабек Умаров 2-ноябрда КМШ, Балтика өлкөлөрүнүн жана Грузиянын Олимпиадалык комитеттеринин катышуусунда Ташкентте өткөн аймактык форумга катышты.

Жергиликтүү басылмалардын маалыматына караганда, Умаров жыйында 30 мүнөткө жакын отурду. Анда Улуттук олимпиадалык комиттердин башчылары кышкы Олимп оюндарына даярдык көрүү, допингге каршы күрөшүү өңдүү маселелерди талкуулашты.

Буга чейин Отабек Умаров быйыл февралда Ташкентте болгон жол кырсыгынан катуу жабыркап, Москвада, андан соң Түштүк Кореяда дарыланып жатканы кабарланган.

Умаров 24-октябрдагы президенттик шайлоодо Шавкат Мирзиёевдин үй-бүлөсү менен чогу добуш берүүгө келген. Бирок бүгүнкү күнгө чейин расмий иш-чараларга катыша элек болчу.

Азырынча Умаров Өзбекстан президентинин Мамлекеттик коопсуздук кызматынын жетекчи орун басары кызматында дале иштеп жаткан-жатпаганы расмий түрдө кабарлана элек.

Видео

Видео

Майыптардын камын көргөн Улукбек
пожалуйста, подождите

No media source currently available

0:00 0:03:51 0:00
XS
SM
MD
LG