Ссылки доступа

Бо Осорхонаи Айнӣ дар Душанбе чӣ кор мекунанд? (гулчин)


Ба расонаҳои минтақа ҳақ дода мешавад, ки аз ин матлабҳо ба сурати комил ва ё ҷузъӣ истифода кунанд. Бо дархости муштариён метавонем ба онҳо шакли аслии наворҳои видеоиро фиристем. Онҳо, инчунин, метавонанд матлаби дилхоҳи худро аз махзани Директ истифода кунанд.

- Бо Осорхонаи Айнӣ дар Душанбе чӣ кор мекунанд? Шаҳрдории Душанбе тасмим гирифтааст, ки хона-музейи Садриддин Айнӣ, Қаҳрамони Тоҷикистонро вайрон карда, ашёи дохили онро ба ҷойи дигар бибарад. Чанде аз донишмандони тоҷик хоҳони ҳифзи ин ёдгорӣ шуданд. (видео)

- Ҳуқуқшинос: Имкон афви Иззат Амон вуҷуд дорад. Муҳлати татбиқи Қонуни афв, ки ду моҳ пешбинӣ шуда буд, ба анҷом расид. Афви имсола баҳсҳои зиёдро ба миён овард. Аз ҷумла инки чаро шахсони гумонбар ба шиканҷаи Мадина Муҳаммадҷонова дар оғоз афв шуданд, аммо Иззат Амон, ки ба қаллобӣ муттаҳам мешуд, шомили қонуни афв нагардид. (видео)

- Шикояти сардабири нашрияи "Пайк" аз фишори ниҳодҳои қудратӣ. (видео)

- Муҳоҷирон ба Муҳаммадризвон ёрӣ доданд. Ӯ ҳам муҳоҷир шуд. Баъди гузориши Радиои Озодӣ афроди хайрхоҳ ба хонаводаи Муҳаммадризвон Солеҳов дасти ёрӣ дароз карданд. Муҳаммадризвони 18-сола баъди марги фоҷеабори падар дар они воҳид саробони хонаводаи серфарзандашон шуд. Бо кӯмаки тамошобинони Радиои Озодӣ ин ҷавон кор пайдо кард. (видео)

- "Пул нест, ҳезум нест, хунук хӯрда, мехобам". Дар Тоҷикистон шикоятҳо аз кори ширкати Барқи Тоҷик идома дорад, ки мардумро бо нерӯи барқ таъмин карда наметавонад. Айни замон мақомот аз мардум мехоҳанд, ғами худро бихӯранду барои зимистон омода шаванд. Ҳамкорони мо дар Душанбе аз чанд раҳгузар пурсиданд, ки оё барои зимистон омода шудаанд (видео)

- Чаро музди кори кормандони агентиро кам карданд? Дар бархе минтақаҳои Тоҷикистон аз моҳи январ ба ин сӯ маоши кормандони Агентии беҳдошти замин ва обёрӣ то 50 дарсад кам карда шудааст - маоши онҳое, ки поккории наҳру рудхонаҳо ва обёрӣ вазифаашон аст. Қарори коҳиши музди кор сабаби ҳайрат ва норозигии садҳо корманди ин идора дар Кӯлоб шудааст. (видео)

- Русия дар Тоҷикистон иҷозаи кор медиҳад? Русия дар Тоҷикистон маркази ҷалб ва омодасозии асноди муҳоҷирони корӣ ба кишварашро таъсис медиҳад. Аз ин ба баъд сокинони Тоҷикистон ҳанӯз дар Душанбе бо корфаромоёни рус қарордоди корӣ имзо карда, иҷозаи кор ва иқомат дар Русияро пайдо мекунанд. (видео)

- Ҳукумати "Толибон" истифода аз пули хориҷиро манъ кард. Ҳукумати "Толибон" рӯзи сешанбе эълом кард, ки истифода аз асъори хориҷӣ дар Афғонистон манъ аст. Ин тасмими "Толибон" метавонад, боиси варшикаста шудани иқтисоди ин кишвар шавад. Дар ҳоли ҳозир бо қатъи ногаҳонии кумакҳои байналмилалӣ, иқтисоди ин кишвар дар остонаи фурӯпошӣ қарор гирифтааст. (видео)

- Додситонӣ пурсидааст, чаро се тоҷиктабори Қирғизистон ҷазои "сабук" гирифтанд. Додситонии Қирғизистон бо ирсоли як номае аз додгоҳи вилояти Ботканд тақозо кардааст, ки сабаби ҷазои ба қавли додситонӣ сабук ба се шаҳрванди тоҷиктабори кишварро шарҳ диҳад. (видео)

- Вакилон гуфтанд, маводи хӯрокаи дуруст бихаред. Вакилони Маҷлиси намояндагон тарҳи қонунеро қабул карданд, ки аз ширкату корхонаҳо талаб мекунад, ба Тоҷикистон маҳсулоти ғанисозишуда бо витаминҳои гуногунро ворид кунанд. Ҳадаф таъмини аҳолӣ бо маводи хӯрокаи баландсифат ва муфид барои саломатии инсон будааст. (видео)

- Мадина 70 рӯз боз беҳуш аст. Мадина Муҳаммадҷонова, зани ҷавоне, ки хабари шиканҷа шуданаш сарусадои зиёдро ба миён овард, ҳанӯз ҳам дар ҳолати кома ё беҳушист. Пизишкон мегӯянд, бахше аз майнаи сари ӯ осеби вазнин дидааст (видео)

КОРМАНДОНИ МУҲТАРАМИ РАСОНАҲО! БО ҲАЗОРОН НАВОРИ САДОВУ ВИДЕО, АЗ ҶУМЛА, ШАКЛИ АСЛИИ САДОВУ ВИДЕОҲО БО ЗАБОНИ ТОҶИКӢ, КИ БАРОИ ЗАХИРА КАРДАНИ КОРШАРИКОН ДАСТРАС ҲАСТАНД, ОШНО ШАВЕД.​

XS
SM
MD
LG