Ссылки доступа

Тажикстанда прокурор жарым тоннадай маңзат менен кармалган кылмыштуу топтун мүчөлөрүн 30 жылга чейин камоону сурады


Тажикстанда мамлекеттик айыптоочу дээрлик жарым тонна маңзат менен кармалган трансулуттук уюшкан кылмыш тобунун мүчөлөрүн 20дан 30 жылга чейин эркинен ажыратууну сурады. Топтун уюштуруучусу – «Азизи хонасоз» каймана аты менен таанымал душанбелик Азизулло Абдуллоев.

Бул иш Душанбенин Сино райондук сотунда каралууда. Шектүүлөргө карата “ири өлчөмдөгү маңзатты мыйзамсыз жүгүртүү”, “аткезчилик”, “арам акчаны адалдоо” беренелери менен кылмыш иши козголгон.

Маалыматка караганда, топ узак убакыт бою маңзат аткезчилиги менен алектенген. Шектүүлөрдүн бири Азамат Тулаганов өзбек жараны болуп эсептелет.

Буга чейин уюшкан кылмыштуу топтун эки мүчөсүнө эл аралык издөө жарыяланганы айтылган.

Тажикстандын Ички иштер министрлиги 13-октябрда трансулуттук кылмыштуу түйүн көп убакыттан бери Ооганстан маңзатын Борбор Азия өлкөлөрү аркылуу Европага жөнөтүп турганын кабарлаган. Кылмыштуу топтун мүчөлөрүнөн наркы 6 миллион доллардан ашык 473 килограмм маңзат, анын ичинен 79 килограмм героин алынган.

Бул иш боюнча сот өкүмү келерки жумада чыгары күтүлүүдө.

Видео

Видео

Сузак: Сумаянын өлүмүнө шектүү изделүүдө
пожалуйста, подождите

No media source currently available

0:00 0:02:59 0:00
XS
SM
MD
LG