Ссылки доступа

АКШда "Свобода" радиосунун журналисти Владислав Есипенкону колдогон акция өттү


15-ноябрда Нью-Йорк шаарындагы Орусиянын башкы консулдугунун алдында "Эркин Европа/Азаттык" радиосунун штаттан тышкаркы кабарчысы Владислав Есипенкону колдогон акция өттү. Ал быйыл май айында аннексияланган Крым жарым аралында кармалган.

"Бош отургуч" деп аталган акцияны PEN America тобу америкалык жана украиналык укук коргоо уюмдары менен биргеликте уюштуруп, консулдук имаратынын маңдайына символикалык түрдө бош отургуч коюшкан. Акцияда өздөрүн Донецк элдик республикасы деп атап алган жикчилдердин туткунунда эки жарым жыл отуруп чыккан "Эркин Европа/Азаттык" радиосунун украин кызматынын кабарчысы Станислав Асеев сүйлөдү. 2019-жылы укук коргоочулар аны колдоп, дал ушундай акция өткөрүшкөн.

"Албетте, моралдык колдоо өтө маанилүү... Орус бийлигине алардын абагында күнөөсүз адам отурганын билээрибизди, бул эл аралык коомчулуктун эсинде экенин жана аны "Эркин Европа/Азаттык" радиосунун президенти колдоп жатканын эскертип туруу зарыл. Америкалык саясатчылар да кесиптешибизди активдүү түрдө колдогон билдирүүлөрдү жасайт деп үмүттөнөбүз. Анткени эл аралык басым — күнөөсүз камалган адамдарды эркиндикке чыгаруудагы негизги механизм болуп эсептелет", — деди Асеев.

АКШнын Журналисттерди коргоо комитетинин мурдагы жетекчиси, журналист Энн Купердин айтымында, бул акция - орус бийлигине "эркин журналисттердин үнүн өчүрө албайсыңар" деген эскертүү.

"Орусия оккупацияланган аймактарда иштеген кабарчылардын оозун жабуу үчүн түрдүү айыптоолорду ойлоп таап, аларды камакка алып жатат. Биз унчукпай калбашыбыз керек, анткени алар ошону каалап жатышат", — деди Купер.

"Эркин Европа/Азаттык" радиосунун президенти Жейми Флай Владислав Есипенкону колдоп жазган катында журналист өзүнүн профессионалдык милдеттерин аткарганы үчүн гана айыпталып жатканын белгилеген.

"Свобода" радиосунун "Крым.Реалии" долбоорунда штаттан тышкаркы кабарчы болуп иштеген Владислав Есипенко быйыл март айында "Украин атайын кызматынын кызыкчылыгы үчүн" маалымат топтоо айыбы менен Крымда кармалган. Мындан тышкары ал автоунаасында колго жасалган жардыруучу зат сактап жүргөн деп айыпталган. Сот отурумдарында журналист кыйноого алынганын айткан.​

Видео

Видео

Жагымдуу жылмайган Ameca роботу
пожалуйста, подождите

No media source currently available

0:00 0:02:52 0:00
XS
SM
MD
LG