Ссылки доступа

Размикори узбек дар куштори як табиб дар Гуам айбдор мешавад


Шаҳрванди Узбекистон Акмал Ҳоҷиев, ки дар сабқатҳои ММА дар ҷазираи Гуами Амрико аз номи Русия баромад мекард, бо гумони куштори табиб Миран Рибатӣ боздошт шуд.

Акмал Ҳоҷиеви 27-сола бо Миран Рибатӣ дуст буданд. Рибатӣ 7 ноябр ба хонаи Ҳоҷиев меравад ва ҳар ду дар бораи ваксинаи зидди коронавирус ва паёмадҳои он бо ҳам баҳс мекунанд.

Баҳси ҷонибҳо ба занозанӣ печида, Ҳоҷиев Рибатиро чанд корд мезанад.

Шаҳрванди Узбекистон бидуни муқобилият худро ба кормандони пулис таслим ва иқрор мекунад, ки табибро ӯ куштааст.

Ҳоҷиев зодаи шаҳри Самарқанди Узбекистон буда, дертар ба шаҳри Санкт-Петербурги Русия кучидааст. Давоми се соли ахир дар Гуам тамрин ва зиндагӣ мекард.

XS
SM
MD
LG