Ссылки доступа

Шамоли сахт дар ҷануби Қазоқистон: як нафар ҷон бохта, чандин кас осеб дидаанд


Як наврас дар вилояти Ҷамбули Қазоқистон 17 ноябр дар натиҷаи шамоли сахт аз болои боми бино ба замин афтода, ҷон бохтааст.

Ба огаҳии Раёсати тандурустии вилоят, ҳодиса дар деҳаи Жалпактоб рухдодааст. Наврас барои таъмири бом, ки дар натиҷаи шамол осеб дида буд, мебарояд ва шамол ӯро низ ба замин мепартояд. Наврас то омадани мошини "ёрии таъҷилӣ" ҷон додааст.

Раёсати тандурустии Ҷамбул иттилоъ додааст, ки ҷамъан то имрӯз 53 кас барои ёрии тиббӣ муроҷиат кардааст. Чаҳор сокини вилоят, ки дар натиҷаи шамоли сахт осеби ҷиддӣ дидаанд, бистарӣ карда шудаанд.

"Бештари муроҷиаткунандаҳо дар натиҷаи афтодани тиреза, дарахт ва дар осеб дидаанд", - афзудааст манбаъ.

Дар вилояти Ҷамбули Қазоқистон шаби 17 ноябр шамоли сахт вазидааст.

XS
SM
MD
LG