Ссылки доступа

Путиндин досу менен жээнине таандык компания Алишер Усмановдон VK'ны сатып алды


Миллиардер Алишер Усмановдун USM холдинги VK интернет-компаниясынын (мурдагы Mail.ru Group) акцияларынын контролдук пакетин "СОГАЗ" камсыздандыруу тобуна сатты. "СОГАЗга" Владимир Путиндин досу Юрий Ковальчук, анын үй-бүлөсү, Путиндин жээни Михаил Шеломов жана "Газпром" ээлик кылат.

"СОГАЗ" "Газпромбанк" аркылуу интернет-компаниянын дагы бир ири акциялар топтомуна ээлик кылат. Өз кезегинде VK'га Орусиядагы ири социалдык түйүндөр - "ВКонтакте", "Одноклассники", mail.ru почтасы жана башка бир нече сервис таандык. Анын жалпы баасы 4,5 миллиард доллардан ашат.

Маалыматка караганда, USM "СОГАЗга" VK акцияларынын 57,3% ээлик кылган "МФ технологии" компаниясынын капиталындагы 45% үлүшүн сатты. Бул келишимдин суммасы ачыкталган жок. Ноябрда "Сбербанк" "МФтин" акцияларынын 36% "Газпромбанкка" 12,8 миллиард рублге саткан. Акциялардын дагы бир ири топтомуна Путин менен Дрезденде бирге кызмат өтөгөн Сергей Чемезов жетектеген "Ростех" мамлекеттик ишканасы ээлик кылат.

Forbes журналы 2020-жылы Mail.ru group деп аталган VK'ны Орусиядагы эң ири компаниялардын тизмесинде төртүнчү сапка жайгаштырган.

Компаниянын отчётуна ылайык, VK'нын жалпы кирешеси 2021-жылдын үчүнчү кварталында былтыркы жылдагы ушул мезгилге салыштырмалуу 19% көбөйүп, 30,41 миллиард рублди түзгөн. Холдинг баарынан жарнамадан жана оюн бизнесинен көп каражат тапкан.

2020-жылы декабрда "Проект" басылмасы өз иликтөөсүндө Юрий Ковальчукту президенттин жашоосунун эң жашыруун аспектилери үчүн жооп берген "өлкөдөгү экинчи таасирдүү адам" деп атаган.

Видео

Видео

Элмирбексиз эки жыл
пожалуйста, подождите

No media source currently available

0:00 0:13:19 0:00
XS
SM
MD
LG