Ссылки доступа

Тажикстанда кытайлык компания металлургиялык завод курат


Тажикстандын төмөнкү палатасынын депутаттары жабдуудар менен технологияларды алып кирүүдө  тажик-кытай биргелешкен «Зарафшон» ишканасын кошумча нарк салыгынан жана бажы алымдарынан бошотуу боюнча өкмөттүн сунушун колдошту. Биргелешкен ишкана Тажикстандын түндүгүдө жаңы металлургиялык завод курат.

Тажикстан өкмөтү менен «Зарафшон» биргелешкен ишканасы алтын менен жезди комплекстүү түрдө бөлүп ала турган жез-алтын концентратын өндүрө турган металлургиялык заводду курууну пландоодо. Маалыматка караганда, жаңы ишкана Пенжикентте салынат. Келишимдин башкы максаты – жез менен алтын концентратын Тажикстандын ичинде өндүрүү.

Келишимге ылайык, заводду куруу үчүн 117 миллион доллар бөлүнөт, Тажикстан өкмөтүнүн үлүшү 30 пайызды, биргелешкен ишкананыкы 70 пайызды түзөт. Металлургиялык заводдун курулушу 2023-жылдын аягында бүтөрү күтүлүүдө. Ишкана жылына 165 мин тонна концентрат өндүрөт.

Бул арада Пенжикент жашоочулары «Зарафшон» ишканасы кура турган завод экологияга терс таасирин тийгизерин айтып, кабатыр болуп келишет.

Видео

Видео

Жагымдуу жылмайган Ameca роботу
пожалуйста, подождите

No media source currently available

0:00 0:02:52 0:00
XS
SM
MD
LG