"Додгоҳҳои шаҳру ноҳияҳои Лебап шаҳрвандони қарздор аз ҳисоби алиментро вазифадор мекунанд, то сарфи назар аз ҳаҷми қарзашон ҳар моҳ аз 300 то 600 грамм хун супоранд. Онҳо шаҳрвандонро маҷбур мекунанд, ки аз ин тариқ қарзи худро пардозанд. Ин иқдом бо дастури раиси додгоҳи вилоят анҷом дода мешавад", - гуфтааст як корманди додгоҳи Лебап дар суҳбат бо бахши туркмании Радиои Озодӣ.
Ба гуфтаи ҳамсуҳбати мо, қарздорони алимент дар вилоят чандин ҳазор нафар ҳастанд ва бештари онҳо ҷои кор надоранд.
Манбаъ гуфтааст, мақомоти Лебап ба хотири он ин иқдомро рӯи даст гирифтаанд, ки соли гузашта танҳо 10 дарсади шикояти шаҳрвандон роҷеъ ба напардохтани андоз қонеъ карда шудааст.