Ссылки доступа

Котиби пешини Шӯрои амнияти Қирғизистон дубора ба бозпурсӣ даъват шудааст


Адахон Мадумаров

Адахон Мадумаров, вакили порлумон ва раиси ҳизби "Бутун Қирғизистон"-ро дар Додситонии кулли Қирғизистон дубора бозпурсӣ мекунанд.

Мадумаров бори дувум дар робита ба имзо шудани санаде дар бораи марзи Қирғизистону Тоҷикистон дар соли 2009 бозпурсӣ мешавад. Ӯ он замон котиби Шӯрои амнияти Қирғизистон буд.

Сиёсатмадори қирғиз бори нахуст 14 январи соли равон бозпурсӣ шуда буд. Вай баъди берун шудан аз Додситонии кулли Қирғизистон дар суҳбат бо хабарнигорон гуфт, бозпурсӣ ба фаъолиятҳои сиёсияш рабт дорад.

"Соли 2019 роҷеъ ба марз парвандаи ҷиноӣ боз шудааст. Дертар онро баъди омӯзиши дақиқ қатъ кардаанд. Вале моҳи декабри соли гузашта тафтиши ин парванда дубора оғоз шудааст", - гуфт Мадумаров.

Дар нишасти хабарии рӯзи 23 октябри соли 2021 Содир Ҷабборов, президенти Қирғизистон ҳангоми шарҳи масоили марзӣ бо Тоҷикистон, аз Адахон Мадумаров ёд кард. Ҷабборов гуфт, "дар ҳалли масъалаи марзӣ бо Тоҷикистон мушкили зиёдро санаде эҷод мекунад, ки аз сӯи котиби вақти Шӯрои амният Адахон Мадумаров дар мавриди минтақаи Торт-Кочо имзо шудааст".

Мадумаров дар навбати худ изҳороти Ҷабборовро рад ва ёдовар шуд, ки санади имзошудаи вай вазни ҳуқуқӣ надорад.

XS
SM
MD
LG