Айблов томони суддан Порошенкони бир миллиард гривна гаров эвазига озод қилиш имконияти билан ҳибсга олишни сўраган. Сиёсатчининг адвокатлари унга нисбатан эҳтиёт чорасини умуман қўлламасликни сўрашган.
Порошенконинг тарафдорлари суд қароридан хурсанд бўлишди ва тўғридан-тўғри залда давлат мадҳиясини куйлашди.
Порошенко давлатга хиёнат ва терроризмни молиялаштиришда айбланмоқда. Тергов маълумотларига кўра, у 2014 йилда президентлик даврида Донбассдаги россияпараст айирмачилардан кўмир сотиб олганида қонунни бузган. Адвокатларнинг таъкидлашича, материалларда сиёсатчининг айбига оид далил йўқ.
Порошенко 17 январь, душанба куни Варшавадан Киевга қайтди. У Россия тажовузини қайтариш учун фуқароларни ўз сиёсий арбоби атрофида бирлашишга чақирди.
