"Жаратылыш байлыктарыбызды болушунча натыйжалуу пайдаланышыбыз керек. Өкмөт бардык кендерге ревизия жүргүзүп, пайдаланылбагандарын аныктап, чет өлкөлүк жана жергиликтүү инвесторлорду тартуусу зарыл", — деди президент.
Мамлекет башчынын бул билдирүүсү экс-президент Нурсултан Назарбаевге каршы ураандар менен коштолгон өлкөдөгү жапырт нааразылык акциялар жана андан кийинки башаламандыктардан соң жасалды.
Буга чейин казак өкмөтү Токаевдин тапшырмасы менен Назарбаевдин кызына байланышы бар делген "Оператор-РОП" компаниясын утилизациялык алымдарды жыйноо укугунан ажыратып, бул милдетти мамлекеттик "Жасыл даму" ишканасына жүктөгөн.
Мурдараак президент "Оператор-РОПтун" ишмердүүлүгү коомчулук менен ишкерлердин "көптөгөн суроолорун жаратып жатканын" айтып, утилизациялык алымдарды жыйноо менен мамлекеттик орган алектениши керектигин билдирген.