Дар ин бора раиси Думаи давлатии Русия Вячеслав Володин дар телеграм-канали худ хабар додаааст. Володин афзудааст, ки ин санад баъдан дар дума баррасӣ хоҳад шуд.
Ба гуфтаи ӯ, президенти Украина Владимир Зеленский созишномаи Минскро нодида мегирад ва "НАТО мехоҳад, Украинаро ғасб кунад". "Ин ҳар ду фоҷеаеро дар пай доранд. Мо набояд ба ин роҳ диҳем. Москва бояд роҳи ҳимоят аз ҳамватанони худро дар ҷумҳуриҳои худхондаи Донетск ва Луганск пайдо кунад", - изҳор доштааст вай.
Аъзои ҷиноҳи порлумонии Ҳизби коммунистии Русия бо шумули раҳбари ҷиноҳ Геннадий Зюганов рӯзи чоршанбе ба Думаи давлатӣ лоиҳаеро ироа карданд, ки муроҷиати расмӣ ба Путинро барои эътирофи истиқлоли ҷумҳуриҳои худхонда дар шарқи Украина пешниҳод мекунад.