Ссылки доступа

Ташкент өзбек жаранынын кармалышына байланыштуу Казакстанга нота жөнөттү (видео)


Өзбекстандын Алматыдагы башкы консулу январь окуяларына айыпталган өзбек жараны Сакен Талиповдун кармалышына байланыштуу Казакстанга нота жөнөттү.

17 жаштагы Талипов былтыр күзүндө Казакстанга апасына барып, Алматы шаарындагы турак жай комплексинде түнкү кароолчу болуп иштей баштаган. Жакындарынын айтымында, ал 4-январда тынч митингге барып, башкалар менен кошо акимчиликтин имаратына чейин жеткен. Видеодо ал полициянын союлун жана калканын жерден көтөрүп алганы көрүнүп турат. Февралдын башында Талиповду адегенде эки айга кармашкан. Ага "жапырт башаламандыктарга катышуу", "өзгөчө абал жарыяланган аймакта тартип коргоо органынын кызматкеринин өмүрүнө кол салуу аракети" үчүн айып тагылган. Адвокаты айып негизсиз деп эсептейт.

Энеси уулунун абалы начарлаганын, кыйноого кабылышы мүмкүн экенин айтууда.

Казакстанда жыл башындагы кандуу окуяларга байланыштуу ондогон чет өлкөлүк жаран кармалган. Казак бийлиги тополоңдорду чет өлкөлүктөр уюштурганын, эмгек мигранты деген аталышка жамынып, "согушкерлер" өлкөгө атайын келгенин бир нече жолу айтканы менен, эч кандай далил келтирген эмес.

Ал ортодо Кыргызстандын Акыйкатчы институту Казакстандын Тараз шаарында эки кыргыз жараны кармалганы тууралуу маалымат бар экенин билдирди.

Музыкант Рузахунов жана Алматыга барып-келип иштеген Чолпонбек Сыдыков январдын башында Казакстандагы башаламандык учурунда казак полициясы тарабынан кармалып, ур-токмокко алынган. Бир нече күндөн кийин алар кыргыз бийлиги жана активисттердин талабы менен бошотулган.

Видео

Видео

 "Сен деп келген сапардан артка кайтпайм"
пожалуйста, подождите

No media source currently available

0:00 0:31:12 0:00
XS
SM
MD
LG