Ссылки доступа

Таркишҳои мудҳиш дар Киев. Дар Изюм 8 кас ҷон бохтааст


Шаби гузашта дар робита ба идома ёфтани ҳамлаҳои мусаллаҳонаи Русия дар чанд минтақаи Украина бонги хатари ҳавоӣ зада шуд.

Киев, Харков ва чандин шаҳри дигари Украина мавриди ҳадаф қарор гирифтанд. Манобеи маҳаллӣ мегӯянд, дар чандин шаҳри Украина рафти бомборонҳо шиддат ёфтаааст.

Дар натиҷаи афтодани як гулула дар шаҳри Изюми вилояти Харкови Украина 8 нафар кушта шудааст, ки дар миёнашон кудакон низ ҳастанд. Расонаи украинии УНИАН бо истинод ба муовини шаҳр Владимир Матсокин хабар дод, ки гулула ба як бинои зист афтодааст. Ба гуфтаи ӯ, шуъбаи маҳаллии пулис низ мавриди ҳадаф қарор гирифтааст.

Шаҳрдори Херсон Игор Колихаев хабар дод, ки неруҳои Русия аллакай ба ноҳия ва кучаҳои марказии шаҳр расидаанд. Як рӯз пеш Вазорати дифои Русия хабар дода буд, ки сарбозонаш Херсонро тасарруф карданд.

XS
SM
MD
LG