Ссылки доступа

Кыргыз-тажик суу чарба кызматкерлеринен турган комиссия түзүлдү


Тажикстандын Исфара районундагы "Гулистон" өткөрүү пунктунда чек арадагы акыркы кырдаалды талкуулаган эки тараптуу жолугушуу өттү.

Жолугушууда чек арага жакын жайгашкан айылдардын чарбачылык маселелери (арыктарды, каналдарды тазалоо иштери жана элди сугат суу менен камсыздоо), көпүрөлөрдү оңдоо иштери боюнча суу чарба кызматкерлеринен турган комиссия түзүлдү.

Бул тууралуу президенттин Баткен облусундагы өкүлчүлүгүнүн басма сөз кызматы кабарлады. 12-мартта өткөн сүйлөшүүнүн биринчи бөлүгүндө негизинен кыргыз-тажик мамлекеттик чек ара тилкесинде катталган окуялардын келип чыгуу себептери жана тынчтыкты кармап калуу жолдору талкууланды.

Жолугушуунун экинчи бөлүгү Баткен жана Согд облусунун жетекчилери Абдикарим Алимбаев менен Ражаббой Ахмадзоданын катышуусунда улантылып, анда жалпысынан төрт маселе каралды:

1) Чек арага жакын жайгашкан айылдардын чарбачылык маселелери (арыктарды, каналдарды тазалоо иштери жана элди сугат суу менен камсыздоо), көпүрөлөрдү оңдоо иштери. Бул маселе боюнча атайын эки облустун биринчи орун басарларынын жетектөөсүнүн астында суу чарба кызматкерлеринен турган комиссия түзүлдү;

2) Чек арага жакын жайгашкан айылдарда коомдук тартипти сактоо маселеси боюнча милиция кызматкерлери жана жергиликтүү бийлик тургундарга түшүндүрүү иш-чараларын байма-бай жүргүзүп, эки элдин ортосунда чагымчыл аракеттерди болтурбоо боюнча биргеликте кызмат өтөө;

3) Чек арада катталган мал уурдоо боюнча тез арада маалымат алмашып, кайра мал ээсине малдарды толук кайтарып берүү маселесин жергиликтүү бийлик өкүлдөрүнүн деңгээлинде сүйлөшүү;

4) Дрон (БПЛА) чек ара аймактарында учурууга тыюу салуу маселеси.

Ал эми эки өлкөнүн чек ара кызматынын өкүлдөрүнүн катышуусунда чек араны кайтаруу, кыргыз-тажик чек арасында чыр-чатактарды алдын алуу жана болтурбоо боюнча өзүнчө каралды.

Эки өлкөнүн чек арачыларынын 10-март күнү түшкө жуук, 11-мартка караган түнү да чек ара аймагында ок атышуусу катталган. Окуяда Кыргызстан тараптан жабыркагандар жок экени айтылган. Тажик тарап бул окуя тууралуу расмий маалымат бере элек. "Азаттыктын" тажик кызматы өздүк булактарга таянып, окуядан тажикстандык бир чек арачы каза болуп, бир жөнөкөй тургун жараат алганын кабарлаган.

Видео

Видео

Турист тартуу максатын көздөгөн шырдак фестивалы
пожалуйста, подождите

No media source currently available

0:00 0:04:03 0:00
XS
SM
MD
LG