Имрӯз ҳаҷми интиқоли газ ба Лаҳистону Олмон тариқи лӯлаи мазкур ба сифр баробар шуд. Сабабҳои қатъи интиқоли газ тавассути лӯлаи "Ямал-Аврупо" хабар дода намешавад.
Интиқол тавассути лӯлаҳои дигар, аз ҷумла "Ҷараёни шимол - 1" идома дорад.
"Газпром" - ширкати нафту гази Русия барои интиқоли газ тавассути Лаҳистон шартномаи тӯлонимуддат надорад. "Газпром" лӯлаҳоро барои кутоҳмуддат ба иҷора мегирад.
Пештар аз ин президенти Русия Владимир Путин ба ҳукумати кишвараш, Бонки Марказии Русия ва ширкати "Газпром" дастур дода буд, ки то рӯзи 31 март доду ситади газро бо "кишварҳои нодӯст" бо рубли русӣ ба роҳ монанд. Кишварҳои Ҳафтгонаи бузург - ИМА, Фаронса, Бритониё, Олмон, Канада, Италия, Ҷопон - гуфтанд, ки гази Русияро бо рубл харидорӣ нахоҳанд кард. Иттиҳоди Аврупо ҳам гуфт, барои гази Русия рубл пардохт намекунад. Дмитрий Песков, сухангӯи президенти Русия хабар дод, ки дар сурати худдорӣ кардан аз пардохти рубл интиқоли газ қатъ карда хоҳад шуд.