Қайд этилишича, пешин вақтидаги маълумотларга кўра, вазият барқарор. Мустақил равишда қариндошлари ҳузурига кўчиб ўтган 17 минг 799 нафар аҳолининг деярли ярми аллақачон уйларига қайтган. Фавқулодда вазиятлар вазирлиги томонидан эвакуация қилинганларнинг 500 дан ортиғи ҳам ўз уйларига қайтган.
Қирғизистон ва Тожикистон чегарасида 12 апрель куни икки давлат чегарачилари ўртасида отишма содир бўлди. Ҳодиса оқибатида бир неча киши, жумладан тинч аҳоли ҳам яраланган. 13 апрель куни эрталаб чегарачилар вазиятни «нисбатан барқарор» дея баҳолади.
13 апрель куни Лайлак туманининг Селкан фуқаролар йиғинида Қирғизистон ва Тожикистон делегациялари ўртасида кенгайтирилган таркибда музокаралар бўлиб ўтди.
Агентлик маълумотларига кўра, кеча тунда «Кулунду-автодорожний» (Қирғизистон) ва “Овчи-Калача-автодорожний” (Тожикистон) назорат-ўтказиш пунктларида Қирғизистон Республикасининг Боткен вилояти раҳбарлари ўртасида музокаралар бўлиб ўтган. Учрашув якунлари бўйича томонлар 12 апрелдан бошланган қўшимча куч ва воситаларни доимий жойлаштириш пунктларига олиб чиқиш устидан назоратни келишиб олдилар.
Қирғизистон Республикаси Чегара хизмати департамент «давлат чегарасининг қирғиз-тожик участкасидаги вазиятни кузатади ва назорат қилади», Боткен вилоятида жойлашган барча бўлинмалар хизматнинг кучайтирилган версиясига ўтказилганига ишонтирди.
Айни пайтда Қирғизистон Республикаси Президентининг Боткен вилоятидаги ваколатли вакили Абдикарим Алимбаев маҳаллий ОАВга берган интервьюсида Тожикистон томони билан музокаралар якунларига кўра, қўшма тергов ўтказиш ва жиноятни аниқлаш бўйича ҳам келишувга эришилганини айтди. Бундан ташқари, икки давлат «Арқа-Исфара» автомагистрали бўйлаб икки республика ҳуқуқ-тартибот идоралари томонидан қўшма патруль хизматини жорий этишга келишиб олди. Шунингдек, у минтақадаги вазиятни барқарор деб баҳолади.