Ссылки доступа

Казак бийлиги Январь окуяларындагы башаламандыктарда "бирдиктүү план" болгонун билдирди


Казакстанда жыл башында болгон башаламандыктар бирдиктүү пландын негизинде ишке ашкан. Бул тууралуу өлкөнүн Башкы прокуратурасынын Кылмыш иликтөө кызматынын башчысы Елдос Килымжанов билдирди.

Анын айтымында, Алматыда Талдыкоргондогу башаламандыктардын катышуучуларын каржылаган, ошондой эле жарандардын мүлкүнө зыян келтирүүгө жана мамлекеттик объектилерди басып алууга салым кошкон эки киши кармалды.

"Алар Январь окуялары маалындагы башаламандыктарга катышкандардын ар бирине 20 доллардан 100 долларга чейин төлөп беришкен. Мындан тышкары Жамбыл облусунун тургуну Телеграм-каналы аркылуу адамдарга баррикадаларды орнотуу, "Молотов коктейлдерин" даярдоо, күч түзүм кызматкерлерине каршылык көрсөтүү жана имараттарды басып алуу боюнча нускамаларды берип турганы аныкталды", - деди Килымжанов.

Анын айтымында, өлкөнүн башка аймактарындагы окуялар да бирдей сценарийде өнүккөн.

"Кылмыш иштеринин анализи башаламандыктар болгон башка аймактардагы окуялар да окшош сценарийде өнүгүп, бирдиктүү башкарууда болгонун көрсөтүүдө. Булардын баары жалпы бир план болгонун аныктап турат", - деди прокуратуранын өкүлү.

Килымжановдун айтымында, 6-январга караган түнү Чымкентте топтошкон адамдардын полиция кызматкерлерине куралдуу кол салуусунан кийин аларга каршы курал колдонуу чечими кабыл алынып, жыйынтыгында 20 киши каза болгон. Мындан тышкары Жамбыл облусунда "500 кишиден турган куралдуу топко" жооп катары ок атылган маалда 11 киши өлгөн.

Казакстанда быйыл январдын башында суюлтулган газды арзандатуу талабы менен башталган нааразылык акциялары бардык шаарларда жалпы улуттук демонстрацияларга айланган. Кийин тынч митингдер башаламандыкка айланып, кан төгүлгөн. Расмий маалыматтарга ылайык, ал окуяларда бери дегенде эле 230 киши өлгөн. Мындан тышкары дагы сегиз киши убактылуу кармоочу жайларда көз жумганы кабарланган.

Бул окуялардан кийин миңдеген киши кармалып, жүздөгөн адам терроризмге, жапырт башаламандыкка, курал-жарак уурдоого жана башка кылмыштарга айыпталып камакка алынган. Алардын көбү камакта кыйноого алынганына даттанышкан.

Видео

Видео

Турист тартуу максатын көздөгөн шырдак фестивалы
пожалуйста, подождите

No media source currently available

0:00 0:04:03 0:00
XS
SM
MD
LG