Ссылки доступа

Евробиримдик Тажикстанга жаңы элчи дайындады


Литванын тышкы иштер министринин орун басары Раймундас Кароблис Европа Биримдигинин (ЕБ) Тажикстандагы өкүлчүлүгүнүн башчысы болуп дайындалды.

Вильнюс мамлекеттик университетинин Юридика факультетин аяктаган 54 жаштагы Кароблис буга чейин Литванын коргоо министри кызматында иштеген.

2018-жылдан бери ЕБдин Тажикстандагы өкүлчүлүгүн жетектеп келген швециялык дипломат Мэрилин Йоcефсон Евробиримдиктин Кыргызстандагы өкүлчүлүгүнө башчы болуп дайыналды.

Европа Биримдиги Борбор Азия өлкөлөрүнө берген жардамдын негизги бөлүгүн Тажикстан алат. 2014-жылдан 2020-жылга чейин ЕБ Тажикстандын билим берүү, саламаттык сактоо жана айылдарды өнүктүрүү тармактары үчүн 251 миллион евро бөлгөн.

Тажик оппозициясы менен укук коргоо уюмдары акыркы жылдары Евробиримдикти "Тажикстандагы адам укуктары менен негизги эркиндиктердин чектелишине көз жумуп жатат" деп айыптап келишет.

18-майда ЕБдин өкүлчүлүгү, Франциянын, Германиянын, Улуу Британиянын жана АКШнын Душанбедеги элчиликтери Тоолуу Бадахшан автоном облусундагы абал боюнча биргелешкен билдирүү жасап, тараптарды "сабырдуулукка, ашыкча күч колдонуудан карманууга жана зомбулукка чакырыктарды жасоодон алыс болууга" үндөшкөн.

Видео

Видео

Турист тартуу максатын көздөгөн шырдак фестивалы
пожалуйста, подождите

No media source currently available

0:00 0:04:03 0:00
XS
SM
MD
LG